Psalm 23
1.
De Heare is minn Skeeper, minn Gelaejde;
k hebb’ gin gebrek. Hee breg miej in de waejde,
in t greune grùs en leg miej efkes laater
heel zachjes daale biej et stille waater.
Hee gef minn zeele vrea en nieje wille,
Hee breg miej op minn stea en maakt et stille.
2.
Al mu-k smangs duur ne duustre deepte zwoarven,
langs stàele weage woer ik deank te stoarven –
Iej zeent met miej, want in de bange nachen
gef Oew geràj miej mood en nieje krachen.
Rech vuur de keals dee helleg noar miej zochen
steet miej tamee Oew heemels moal te wochen.
3.
Iej zalft minn kop met ùllie en minn beeker
lùp oawer, want Oew’ trouw is vast’ en zeeker.
De HEARE Zelf zal alle daage metgoan,
minn Skeeper zal geduureg vuur miej instoan
en heel min leawn Zik ouwer miej oontfoarmen.
Hee breg miej Thoes, vuur eeweg in Zinn oarme.
Luisterversie
Volgt nog