Psalm 8
1.
Wo machteg, HEARE, zir Iej in min ooge,
Oewn Naam, Oew’ groothaejd is joa heemelhooge.
Oet n moond van t kleanste wich – zeg God – heb Ik
met mach esprùkn – en skaamt de viejaand zik.
2.
Zee ik Oewn heemel, moan’ en iedre steare;
Iej hebt z’ emaakt, ne plaase geewn o HEARE.
Wee is hee dan, et kleane meanskenkeend
dà-J an um deankt en wearde in um veent?
3.
In ear en hearlekhaejd maakn Iej um rieke,
en maakn um an God Zelf zoowat gelieke.
Iej hebt oons met Oewn vinger an eraakt
en oons tot koonek in Oew’ weald emaakt,
4.
zoodàt et meanskenkeend in wieshaejd haandelt
met alns wat loch en zee en veald bewaandelt
en dàt éen Naam boawn alns epreezen wort.
Loat heel de weald zik buung vuur dissen God.
Luisterversie
Volgt nog