Rijssense Psalmen

1.
Ik buuge alle moarns de kneene
en roope in minn mùejte tot
minn huegsen Koonek en minn God.
Iej huert minn stemme as gin eene;
dà-k Oe toch veene!

2.
God groezelt van bedreegerieje
en al et goddelooze kwoad,
van groote luengns en gruetse proat.
De leu dee blood vegeet maakt Ieje
tot weustenieje.

3.
Oew groote goodhaejd wil ik priezen,
k zal in Oew Hoes doarvan getuung,
miej deepe vuur Oe daale buung.
Iej zùet de rechen weg miej wiezen
den ik mag kiezen.

4.
Mer slàchte leu dee alns bedoarven
hebt haalze as et lùsse graf,
de tonge kùjrt voel en laf.
Op gladde weage zùet ze zwoarven,
in t duustr stoarven.

5.
t Rechveardeg volk zal t eeweg good goan,
zee zùet in Oe van bliejskop springn
en aajt vedan de HEARE zingn.
Iej zùet as skeeld umme ze hen stoan
en met ze met goan.

Volgt nog